Flökkukindur

Ég heiti Kristjana Rós Oddsdóttir Guðjohnsen og er að vinna verkefni fyrir hagnýta menningarmiðlun í Háskóla íslands.

Hugmyndin kom til mín eftir góðan listfræðitíma í október á síðasta ári, þegar ég fór að velta betur fyrir mér hvað skemmtilegir hlutir gerast oft þar sem hópur af listamönnum vinna saman. Á sama tíma sá ég fram á að miðbærinn okkar myndi fljótt verða tómlegri í smá tíma, en mig óraði aldrei fyrir því að svona mörg leigurými myndu standa auð.

Eftir að ég var búin að hafa samband við hóp af listamönnum setti ég af stað hitting einu sinni í viku á Kaffitári í Bankastræti. Stundum mæti ég ein og stundum mæta allir og spjalla yfir kaffibolla og ristuðu brauði með sultu. Þetta fékk sinn tíma til að þróast áður en við byrjuðum að sýna saman.

Þann 14. febrúar varð til fyrsta sýning Flökkukinda, við fengum lánaðan Laugaveg 40. Hún tókst betur en hægt var að vona. Í dag er önnur sýning Flökkukinda, í þetta sinn á Laugavegi 42.

Ábyrgðarmaður skv. Þjóðskrá: Kristjana Rós Guðjohnsen

Höfundur

Flökkukindur

Verkefnið er ætlað til að fylla upp í holur sem hafa myndast nú þegar í miðbæ Reykjavíkur. Sýningarnar eru unnar sem ferli þar sem sýningin fer eftir listamönnum sem taka þátt, stærð og gerð rýmis sem notast er við hverju sinni og samvinnu innan hópsins. Verkefnið á að skapa ákveðið fyrirvaralaust tilraunakennt andrúmsloft meðal myndlistarmanna, þar sem algjör óvissa er með hvaða rými er nýtt hverju sinni og hverjir munu taka þátt. Hugmyndin er að þróa verkin eða hugmyndina á bak við verkin með hverri sýningu sem haldin er. Þannig er hægt að fylgjast með breytingum og komast aðeins inn í hugarheim myndlistarmannsins með því að sjá hvernig tíminn og hver opnun hefur áhrif á vinnsluna og verkin.